نشر كل مايتعلق بنشاط المدرسة في شتى المجالات العلمية والتعليمية والرياضية والفنية ، وكذلك الأخبار المتعلقة بالعملية التعليمية ، وبعضًا من الاجتماعيات الخاصة بالعاملين والتلاميذ .

المواضيع الأخيرة


    لدنيا مالها ملخبطه كانت صفحه بيضا منوره

    شاطر
    avatar
    نعمة محمد عبد الرحيم
    المدير العام
    المدير العام

    عدد المساهمات : 70
    تاريخ التسجيل : 30/09/2014
    العمر : 64

    لدنيا مالها ملخبطه كانت صفحه بيضا منوره

    مُساهمة من طرف نعمة محمد عبد الرحيم في السبت أبريل 04, 2015 2:20 pm

    الدنيا مالها ملخبطه كانت صفحه بيضا منوره
    دلوقتى بيضا مشخبطه حركات نفاق هنا وهناك
    والكل داير ف الرحا وبردو بنحب البلد
    من لون واحد ف الطباشير 
    لطباشير الوان كتير
    ابيض واخضر واحمر بمبى مسخس 
    زى قميص ام الولد يوم الخميس
    ومش عارف العيب فى مين فى انا ولا 
    فى الصفحه الى كلامها كتير
    بس انا شايفها كدا مشخبطه 
    وملخبطه حركات كتير زى الغفير
    من غير بندقيه ماسك عصا يبقى غفير 
    متنزل يا بنى من ع المواسير دانته ابن البلد
    وامشى وانجر من هنا دى حجات كتير ملخبطه 
    الاستاز حركات معاه دبلوم بس وسايطه كتير
    يبقى المدير وانتم بقا امشو يلا من هنا 
    وانتم بقا ياغلبنات بكلوريوسات ويا ليسنسات
    جيد جدا مع مراتب الشرف 
    يادى القرف بلاش قرف وامشى اتزحزح من هنا
    شوف دا الولد ودا الولد اه دبلوم بس ابوه من اكابر البلد 
    يبقى مين احق يا ولا انته ولا هولاهو الولد
    وخلى المراتب تنفعك واشى مرتبه 
    واشى مخده ريح دماغك يا حسن برده بنحب البلد
    وخد عظه وموعظه من الى اتكلمو قبل كدا 
    فى الكرنك واحنا بتوع الاتوبيس جرالهم ايه
    يا ولا هوس اسكت وطى صوتك بلاش قلق 
    هو خلاص مبنخدش موعظه ولا الناس
    مفيش عندها امل الحال يتعدل 
    هوس بس اسكت بقا متوديناش فى ابو
    كركبه دحنا برده بنحب البلد
    حب البلدحب البلد الى مالى قلب الولد
    البلد الى نيلها بيجرى فى دمنا
    وسمار ارضها فى وشى انا وهو
    وهى وكلنا ولاد دى البلد
    الى حبها عامل زى العمل اه
    العمل الى يرضى ربنا ماهو ربى
    الى زكرها فى كتابه من كم الف
    سنه وقالنا هى دى البلد الى انا
    منها وهو وهى وكلنا بنحبها
    وهنعيش نحمى ارضها هى الامل
    هى الفرحه فى عين طفل بيحبى
    اه بيحبى وراح لامه نفسه تضمه
    لصدرها ويقولها بحبك رغم قسوتك
    عليا وعلى اولادك ومفيش فى ايدنا
    حاجه غير كده هنحبك رضينا ما رضينا
    بيكى رضينا بلد لي وليه وليها وكلنا
    بحبك رغم الالم والاسى الى ف عيون
    الولد والولد وهما وكلنا بنحبك رغم
    اننا اصبحنا اغراب فيكى يا بلد
    يالى كان الغريب يجيكى يحث انه
    مننا ااااه مننا دلوقتى قسوتك ذادت
    علينا كلنا بس سبحان الله منقدرش
    منقدرش نقول غير كدا بنحبك يا بلد
    مهما بعدنا عنها راح نرجع لها اااه
    هنرجع لها انا وهما وكلنا ومش هانسى
    ارضها ورملها وهجيب معايا حديد
    اعمل منه فاس وساقيه ازرع شجره
    تضلل على الناس كلها الى فى البلد
    ااه وهاعمل سيف احارب بيه العداا
    الى فى قلوبهم غل وحسد لدى البلد
    وهعمل مسطرين وقصعه وسقاله حديد
    علشان نبنى ونعمر كلنا ونعلى دى البلد
    الى راح اكتب فى حبها لد ميخلص كل الورق
    والدوايه والقلم وان خلص من الدنيا الدوا
    والالم راح اكتب بدمى بس هخلى شويه
    علشان يقدر قلبى يفضل ينبض بحبها ااه
    ااااااااااااه ااااااااه ااااااه ااااه ااه اه بحبك يا بلد

      الوقت/التاريخ الآن هو الخميس يوليو 19, 2018 2:59 pm